глас 2
Память праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже, за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.
Первое и второе обретение главы:
глас 4
От земли возсиявши, Предтечева глава/ лучи испущает нетления верным исцелений,/ свыше собирает множество Ангел,/ доле же созывает человеческий род// единогласную возсылати славу Христу Богу.
Третье обретение главы:
глас 4
Яко Божественное сокровище, сокровенное в земли,/ Христос откры главу твою нам, пророче и Предтече./ Вси убо, сошедшеся в сея обретение,/ песньми богоглаголивыми Спаса воспоим,// спасающа нас от тления молитвами твоими.
Зачатие:
глас 4
Первее нераждающая неплоды, возвеселися,/ се бо зачала еси Солнца светильника яве,/ просвещати имуща всю вселенную, слепотою недугующую./ Ликуй, Захарие, вопия со дерзновением:// пророк Вышняго есть хотяй родитися.
Тропарь на перенесение десной руки Иоанна Предтечи:
глас 4
От запада возсиявши Предтечева рука,/ лучи испущает нетления верным исцелений,/ свыше собирает множество Ангел,/ доле же созывает человеческий род,/ единогласно возсылати славу Христу Богу.
Пророк, Предтеча и Креститель Господень Иоанн
Даты празднования
11 сентября
Усекновению главы
6 октября
Зачатие
7 июня
Третье обретение главы
20 января
Собор Предтечи и Крестителя Господня Иоанна
25 октября
Перенесение из Мальты в Гатчину части древа Животворящего Креста Господня, Филермской иконы Божией Матери и десной руки св. Иоанна Крестителя
9 марта
Первое (IV) и второе (452) обретение главы
7 июля
День рождества
Места (престольные праздники)
Ссылки
Москва. 2-я четверть XV века. Из Николо - Пешношского монастыря (под г. Дмитровом). С 1959 в Центральном музее древнерусской культуры и искусства имени Андрея Рублева.
Тропарь
Кондак
Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.
Первое и второе обретение главы:
глас 6
Пророче Божий и Предтече благодати,/ главу твою, яко шипок священнейший, от земли обретше,/ исцеления всегда приемлем,/ ибо паки, якоже прежде,// в мире проповедуеши покаяние.
Третье обретение главы:
глас 6
Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.
Усекновение главы:
глас 5
Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.
Зачатие:
глас 1
Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.
Кондак на перенесение десной руки Иоанна Предтечи:
глас 6
Умнаго Солнца светильник Божественный Предтеча,/ показавый в концех светоносную свою десницу,/ ныне на севере озаряет ею блаженное Отечество наше,/ просвещая и освящая верно покланяющихся, и Христу вопиющих:/ спаси нас молитвами пророка Твоего, Царю Вышний.
Первое и второе обретение главы:
глас 6
Пророче Божий и Предтече благодати,/ главу твою, яко шипок священнейший, от земли обретше,/ исцеления всегда приемлем,/ ибо паки, якоже прежде,// в мире проповедуеши покаяние.
Третье обретение главы:
глас 6
Светоявленный и Божественный в мире столп,/ солнца светильник,/ Предтеча, главу светоносную и Божественную свою/ показавый в концех,/ освящает той верно покланяющихся/ и взывающих:// Христов премудрый Крестителю, спаси всех нас.
Усекновение главы:
глас 5
Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.
Зачатие:
глас 1
Веселится светло Захария великий/ со всеславною Елисаветию сопружницею,/ достойно зачинающе Иоанна Предтечу,/ егоже Архангел благовести, радуяся,/ и человецы достодолжно почтим,// яко таинника благодати.
Кондак на перенесение десной руки Иоанна Предтечи:
глас 6
Умнаго Солнца светильник Божественный Предтеча,/ показавый в концех светоносную свою десницу,/ ныне на севере озаряет ею блаженное Отечество наше,/ просвещая и освящая верно покланяющихся, и Христу вопиющих:/ спаси нас молитвами пророка Твоего, Царю Вышний.
Величание
Величаем тя,/ Крестителю Спасов Иоанне,/ и почитаем вси/ честныя твоея главы// усекновение.
Молитва
Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.
Телефон редакции проекта
"Глобус митрополии":
(812)274-16-45
"Глобус митрополии":
© ИА "ВОДА ЖИВАЯ". Проект "Глобус епархии", 2011-2024
Разработка сайта: Sajgak