Алексий, митрополит Московский и всея Руси

Даты празднования

18 октября
Московских святителей
25 февраля
День преставления
6 июля
Собор Владимирских святых
2 июня
Обретение мощей

Места (престольные праздники)

Феодоровский Государев собор в Царском Селе
196607, Санкт-Петербург, Пушкинский район, г. Пушкин, Академический пр., д. 34.
Храм святителя Алексия Митрополита Московского при Санкт-Петербургском госпитале ветеранов войн
Санкт-Петербург, Невский район, улица Народная, дом 21к2 Я
Храм святителя Алексия, митрополита Московского, в Лахте
Санкт-Петербург, Приморский район, посёлок Лахта, улица Красных партизан, д. 4
Храм свт. Алексия, Митрополита Московского, что на Семеновском плацу
190013, Санкт-Петербург, Адмиралтейский район, Подъездной пер., д. 4.
Храм свт. Алексия, митрополита Московского, в пос. Тайцы
188340, Ленинградская обл., Гатчинский р-н, пос. Тайцы, Гатчинское шоссе, д. 16-а.
Храм святителя Алексия, митрополита Московского в Купчино (планируется)
Санкт-Петербург, Фрунзенский район, ул. Малая Балканская, участок 1 (юго-западнее пересечения с Дунайским проспектом)

Ссылки

Свт. Алексия, митр. Московского и всея России, чудотворца (1378)
Икона конца XV - начала XVI века. Государственная Третьяковская галерея

Тропарь

глас 8
Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

глас 2
Яко сокровище пребогатое, многолетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие,/ от нихже врачевство приемлюще, обогащаемся/ и Христа славословим, глаголюще:// слава прославляющему святыя Своя.

глас 3
Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православный люди по велицей Его милости.

Кондак

глас 8
Божественнаго и пречестнаго святителя Христова,/ новаго чудотворца Алексия,/ верно вси поюще, людие, любовию да ублажим, яко пастыря великаго,/ служителя же и учителя премудра земли Российстей./ Днесь, в память его притекше, радостно возопием песнь богоносному:/ яко имея дерзновение к Богу, многообразных нас избави обстояний, да зовем ти:// радуйся, утверждение граду нашему.

глас 8
Яко солнце незаходимое, от гроба возсия нам/ от мног лет сокровены честныя твоя мощи нетленны,/ святителю Алексие,/ тобою благодать приемлем,/ всю бо страну сию и вся ны чудесы и добротою обогащаеши,/ действом благодати, да поем ти:// радуйся, отче, светило России.

глас 3
Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.

Молитва

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся Света Единосущный Троицы и херувимски со Ангелы возглашая песнь Трисвятую, велико и неизследованное дерзновение имея ко Всемилостивому Владьще, молися паствы твоей спасти люди, единородный ти язык, благостояние святых церквей утверди, архиереи благолепием святительства украси, монашествующих к подвигом добраго течения укрепи: град сей (или: весь сию: аще во обители: святую обитель сию) и вся грады и страны добре сохрани и веру святую непорочну соблюсти умоли: мир весь умири, от глада и пагубы избави ны и от нападения иноплеменных сохрани нас: старыя утеши, юныя накажи,* безумныя умудри, вдовицы помилуй, сироты заступи, младенцы возрасти, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся, от всяких напастей и бед ходатайством твоим свободи, да зовем ти: о Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенныи цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день страшнаго Пришествия Его шуияго стояния избавит нас и радости святых причастники сотворит, со всеми святыми во веки. Аминь.