Закрыть [X]
Забыли свой пароль?
Войти     
Войти как пользователь
Вы можете войти на сайт, если вы зарегистрированы на одном из этих сервисов:

Святой равноапостольный великий князь Владимир

Даты празднования

28 июля
День преставления

Места (престольные праздники)

Князь-Владимирский собор
197198, Санкт-Петербург, ул.Блохина, д.26
Приход храма Святого равноапостольного князя Владимира на Ланской
г. Санкт-Петербург, Выборгский район, пр. Энгельса, д.1-5.
Храм Святой Живоначальной Троицы в Ораниенбауме
188512, Санкт-Петербург, город Ломоносов, ул. Оранжерейная д. 19
Храм св. равноап. вел. кн. Владимира при Окружном военном госпитале
193163, г. Санкт-Петербург, Центральный район, Суворовский пр., д. 63
Часовня св. равноап. вел. кн. Владимира в ФГУ «Тест-Санкт-Петербург»
198103, Санкт-Петербург, ул. Курляндская, д. 1.
Часовня св. равноап. вел. кн. Владимира
199004, г. Санкт-Петербург, Василеостровский р-н, В.О., 6-ая линия, 11, литер Г
Все места ▼
Храм св. равноап. вел. кн. Владимира в пос. Лисий Нос
197755, Санкт-Петербург, пос. Лисий Нос, Балтийский пр., д. 37.
Храм св. равноап. вел. кн. Владимира в пос. Усть-Ижора
196645, Санкт-Петербург, Колпинский р-н, пос. Усть-Ижора, ул. Верхняя Ижорская, д. 50.
Храм св. равноап. вел. кн. Владимира в г. Коммунар
188320, Ленинградская область, Гатчинский район, г. Коммунар, ул. Строителей, д. 3A
Часовня св. равноап. вел. кн. Владимира в д. Ладва (Васильевская)
187430, Ленинградская обл., Подпорожский р-н, Винницкой вол., д. Ладва.
Храм святого равноапостольного князя Владимира в Красносельском районе (проектируется)
Санкт-Петербург, Красносельский район, на пересечении ул. адм. Черокова и пр. Патриотов
Часовня св. равноап. кн. Владимира на Овцинском кладбище
Всеволожский район, пгт. им. Свердлова, микрорайон №1 (Овцинское кладбище)
Князь-Владимирский храм г. Пушкина
Санкт-Петербург, г. Пушкин

Ссылки

Тропарь

глас 1
Яко начальнику Крещения/ и кореню веры Божественныя,/ идолов разрушителю,/ блаженне княже Василие равноапостольне, вопием ти:/ слава вразумльшему тя Христу Богу,/ слава освятившему тя Крещением Своим,/ слава просветившему тобою всю страну Русскую.

глас 4
Уподобился еси купцу, ищущему добраго бисера,/ славнодержавный Владимире,/ на высоте стола седя матере градов,/ богоспасаемаго Киева:/ испытуя же и посылая к Царскому граду/ уведети православную веру,/ обрел еси безценный бисер - Христа,/ избравшаго тя, яко втораго Павла,/ и оттрясшаго слепоту во святей купели,/ душевную вкупе и телесную./ Темже празднуем твое успение,/ людие твои суще,// моли спастися державы твоея Российския начальником и множеству владомых.

глас 8
Правоверия наставниче/ и всея Руси просветителю,/ благочестивый великий княже Владимире,/ святым Крещением всех просветил еси/ и церкви многи славны украсил еси,/ о премудре Василие,/ Христа Бога моли спастися душам нашим.

Кондак

глас 8
Подобствовав великому апостолу Павлу, в сединах, всеславне Владимире,/ вся яко младенческая мудрования, яже о идолех тщания, оставль,/ яко муж совершенный, украсился еси Божественнаго Крещения багряницею,/ и ныне, Спасу Христу в веселии предстоя,// моли спастися державы Российския начальником и множеству владомых.

глас 8
Изрядному воеводе и правоверному,/ благодарственная восписует ти вся Русь, Василие, имущи тя начальника и заступника,/ яко избавил еси нас от всякия скверны и лести, темже ти вопием:/ радуйся, великий княже Владимире преблаженне.

глас 4
Отеческу прелесть, идолы, яко суетни, отверг,/ Христа, всех истиннаго Бога, Царя и Благодателя, познал еси./ Темже и люди, изрядны Тому, святым Крещением просветил еси,/ преславне Владимире./ Сего ради почитаем тя,/ яко Троице служителя,/ Христа моли даровати нам велию милость.

Величание

Величаем тя,/ святый равноапостольный княже Владимире,/ и чтим святую память твою,/ идолы поправшаго// и всю Российскую землю святым Крещением просветившаго.

Молитва

О великий и преславный угодниче Божий, богоизбранный и богопрославленный, равноапостольный княже Владимире, святое и великодейственное орудие всеблагаго Промысла о спасении народа российскаго! Ты отринул еси зловерие и нечестие языческое, уверовал еси во Единаго Истиннаго Триипостаснаго Бога и, восприяв святое крещение, просветил еси светом Божественной веры и благочестия страну Российскую. Славяще убо благодаряще Премилосердаго Творца и Спасителя нашего, славим и благодарим тя, великий пастырю и отче наш, яко тобою познахом спасительную веру Христову и крестихомся во имя Пресвятыя и Пребожественныя Троицы, тою же верою избавихомся от праведнаго осуждения Божия, вечнаго рабства диаволя и адова мучительства, тою верою восприяхом благодать всыновления Богу и надежду наследования небеснаго блаженства. Ты еси первейший наш вождь к Начальнику и Совершителю нашего вечного спасения, Господу Иисусу Христу, ты еси ближайший предстатель пред Престолом Царя царствующих и теплый молитвенник и ходатай о стране нашей и о всех людех, ты еси первейший виновник благословений и милостей Божиих, почивающих на нас. И что еще речем? Не может язык наш изобразити величие и высоту благодеяний твоих, излиянный на нас недостойных. Но, о неразумия и ослепления нашего! Приемше толикая благодеяния, ни во что же вменихом я и отщетихомя спасительных плодов твоих. Омывшеся бо от греха в купели крещения и облекшеся в одежду чистоты и невинности, осквернихом сию благодатную одежду студеными деянии и помышлении нашими. Отрекшеся сатаны и ангелов его, паки порабощаемся ему, служаще идолом страстей наших, миру, плоти и злым обычаем века. Сочетавшеся Христу, выну оскорбляем Его беззаконии нашими, многообразными язвами гордости, зависти, злобы, злословия, невоздержания и презорства ко Святей Церкви. Прилепи­хомся всецело к суетным благом, аки мняще во веки пребывати на земли, не помышляем о небе, о душе, о смерти, о суде, о нескончаемей вечности. Сего ради воздвизаем на ся праведный гнев и осуждение Божие, купно же оскорбляем и преогорчеваем твою отчую любовь и попечение о нас, ты бо просветил еси нас святым крещением, во еже способствовати нам к получению небеснаго блаженства и земнаго благоденствия, мы же неразумнии злым произволением нашим сами себе подвергаем адовым мукам и временным бедствием! Но, о всеблагий отче и просветителю наш, милостив буди к нашим немощем, долготерпелив ко грехом и неправдам нашим, умоли Премилосердаго Царя Небеснаго, да не прогневается на ны зело и не погубит нас со беззаконьми нашими, но да помилует и спасет нас, имиже весть судьбами. Да всадит в сердца наша спасительный страх Свой, да просветит Своею благодатию ум наш, во еже узрети нам бездну погибели, в нюже стремимся, оставити стези нечестия и заблуждений, обратитися же на путь спасения и истины, неуклонно исполняти заповеди Божии и уставы Святыя Церкве. Моли, благосерде, Чело­веколюбца Бога, да явит нам великую милость Свою, да избавит нас от нашествия иноплеменников, от внутренних нестроений, мятежей и раздоров, от глада, смертоносных болезней, и от всякаго зла, да подаст нам благорастворение воздуха и плодоносие земли, да сохранит в судящих и начальствующих правду и милость, да даст духовным пастырем непорочность жития и ревность о спасении пасомых, всем же людем усердие в исполнении своих обязанностей, взаимную любовь и единомыслие, стремление ко благу отечества и Святыя Церкве. Да распространит свет спасительныя веры в стране нашей, во всех концех ея, да обратит к правоверию неверующих, да упразднит вся ереси и расколы, да, тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь.