Закрыть [X]
Забыли свой пароль?
Войти     
Войти как пользователь
Вы можете войти на сайт, если вы зарегистрированы на одном из этих сервисов:

Память Отцев Поместнаго Собора Церкви Русския 1917-1918 гг.

Даты празднования

О празднике

4 мая 2017 года на заседании Священного Синода Русской Православной Церкви был уста­нов­лен день па­мя­ти Отцев Поместнаго Собора Церкви Русския 1917-1918 гг - 5(18) ноября - день избрания святителя Тихона на Московский Патриарший престол.



Ссылки

Отцов Поместного Собора Церкви Русской 1917–1918 годов
Икона святых отцов Поместного Собора в Сретенском монастыре (источник)

Тропарь

Тропарь отцам Поместного Собора Церкви Русской (1917–1918 гг.) глас 6
Днесь благода́ть Свята́го Ду́ха нас собра́,/ просла́вити отцы́ Собо́ра Це́ркве Ру́сския/ с Первосвяти́телем Моско́вским Ти́хоном,/ и́же ве́рныя лю́ди земли́ на́шея/ на по́двиг испове́дания пра́выя ве́ры благослови́ша// страда́нии свои́ми Це́рковь на́шу просла́виша.

Кондак

Кондак отцам Поместного Собора Церкви Русской (1917–1918 гг.) глас 3
Гоне́ния и страда́ния да́же до сме́рти претерпева́юще/ и правосла́внаго Ца́рства Ру́сскаго разоре́ние облича́юще,/ отцы́ Собо́ра Це́ркве на́шея/ к покая́нию ча́да ве́рныя призыва́ют// стоя́ти и тве́рдо за ве́ру Христо́ву благословля́ют.

Величание

Величание отцам Поместного Собора Церкви Русской (1917–1918 гг.)
Велича́ем вас,/ святи́и отцы́ Собо́ра Це́ркве Ру́сския,/ чтим и честна́я страда́ния ва́ша,/ я́же за Христа́// претерпе́ли есте́.

Велича́ем вас,/ святи́телю о́тче Ти́хоне,/ и святи́и отцы́ Собо́ра Це́ркве Ру́сския,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.

Молитвы

моли́тва, святы́м отце́м, на Собо́ре Це́ркве Ру́сския потруди́вшимся
О святи́и уго́дницы Бо́жии, со́нма но́вых му́чеников и испове́дников Це́ркве Ру́сския прича́стницы, на Собо́ре Це́ркве Ру́сския в годи́ну ско́рби до́бре потруди́вшиися и му́жески за ве́ру Христо́ву в ле́та гоне́ния лю́таго пострада́вшии! Помина́юще труды́ на ни́ве Бо́жией, ва́ми подъя́тыя, и по́двиги во страда́нии за ве́ру сверше́нныя, славосло́вим доброде́тели ва́ша, воспева́ем братолю́бие, прославля́ем любо́вь ко Спаси́телю Христу́ и Це́ркви Его́ Святе́й, и, я́ко ча́да ва́ша по ду́ху, мо́лим: научи́те нас ра́зум ева́нгельский приле́жне стяжа́ти, на вся́кое де́ло благо́е потре́бен, помози́те во испыта́ниих кре́пость ве́ры име́ти, сподо́бите нас насле́дники по́двига ва́шего бы́ти, да неосужде́нно Ца́рствия Бо́жия дости́гнем, иде́же ку́пно с ва́ми просла́вим Тро́ицу Единосу́щную во ве́ки веко́в. Ами́нь.
Другие молитвы ▼
Моли́тва святи́телю Ти́хону, Патриа́рху Всеросси́йскому, испове́днику
О па́стырю до́брый, святи́телю о́тче наш Ти́хоне, Патриа́рше Це́ркве Ру́сския! Ты мно́гия труды́ в жи́зни вре́менней подъя́л еси́. Простота́ и любы́ твоя́, дух ми́рен и кро́ток, та́же и сло́во, благода́ти испо́лненное, по се́рдцу бы́ша лю́дем земли́ на́шея, и́же и предложи́ша тя Бо́гу на по́двиг вели́кий и многотру́дный. Егда́ же богобо́рцы и хули́телие воздвиго́ша на Це́рковь Христо́ву гоне́ние, ему́же не бе ра́внаго от ве́ка, Сам Госпо́дь Вседержи́тель избра́ и соде́ла тя Патриа́рха. Ты же, святи́телю, сраспина́яся Христу́ и Це́ркви Его́, со ско́рбию лю́ди к покая́нию призыва́л еси́. И кто изочте́т страда́ния твоя́? Заточе́ние бо темни́чное, клеветы́ и суды́ гони́телей со смире́нием претерпева́я, враго́м Христо́вым моли́твою сле́зною и кро́ткою противуста́л еси́ и архиере́и, пресви́теры, мона́хи и мирски́я на по́двиг му́ченический благослови́л еси́. Те́мже мо́лим тя, святи́телю Христо́в, бу́ди нам дерзнове́нный засту́пник и не оста́ви ны, немощна́я ча́да твоя́. Испроси́ у Го́спода нам грехо́в проще́ние, ве́ры утвержде́ние, скорбе́й осла́бу, по́мыслов чистоту́, да, в покая́нии и моли́тве пребыва́юще, украси́м себе́ целому́дрием, любо́вию и смире́нием, и та́ко Ца́рствия Небе́снаго дости́гнем, иде́же с тобо́ю сподо́бимся прославля́ти Святу́ю Тро́ицу, Отца́, и Сы́на, и Свята́го Ду́ха. Ами́нь.