Закрыть [X]
Забыли свой пароль?
Войти     
Войти как пользователь
Вы можете войти на сайт, если вы зарегистрированы на одном из этих сервисов:
Мчч. Адриана и Наталии и прочих 23, с ними пострадавших (305-311)
Икона мучеников Адриана и Наталии в нижнем храме Феодоровского собора в Санкт-Петербурге (письмо Ярослава и Иоанны Якимчуков)

Тропарь

глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.

тропарь мученика Адриана
глас 3
Богатство неиждивущее вменил еси/ веру спасенную, треблаженне,/ оставль отеческое нечестие/ и Владыки стопами шествуя,/ Божественными даровании обогатился еси,/ Адриане славне;/ Христа Бога моли/ спастися душам нашим.

Кондак

глас 4
Жены Богомудрыя Божественная словеса в сердце положив,/ Адриане, мучениче Христов, к мучением усердно устремился еси,/ с супругою венец приемь.

глас 4
Мученик возсия/ Божественная память/ и земныя озари вся концы светло,/ с веселием зовущих:// Ты еси мучеников, Христе, радование.

Молитва

О священная двоице, святии мученицы Христови, Адриане и Наталие, блаженнии супрузи и доблии страдальцы! Услышите нас, молящихся вам со слезами, и низпослите на ны вся благопотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших. Ей, святии мученицы, приимите глас моления нашего и избавите ны молитвами вашими от глада, губительства, труса, потопа, огня, града, меча, нашествия иноплеменников и междоусобный брани, от напрасный смерти и от всех бед, печалей и болезней, да выну, вашими молитвами и предстательством укрепляемии, прославим Господа Иисуса Христа, Ему же подобает всякая слава, честь и поклонение, со Безначальным Его Отцем и Пресвятым Духом, во веки веков. Аминь.